Бүгүн 17 мая 2022-ж. Жалал-Абад облусунун Сузак районунда Европа эмдөө жумалыгынын алкагында мобилдик ыкчам бригадасы Октябрь айылында ар кандай иш-чаралар, баарлашуулар болуп, маалымат берүү менен бирге бир убакта эмдөөдөн өтпөй калган же кандайдыр бир себептер менен эмделбей калган балдарды эмдөөдөн өткөрүшүп жатат.

Ошондой эле, бул мобилдүү ыкчам бригадасы карылар үйүндө болуп, ал жерде COVID-19га каршы эмдөө боюнча семинарлар өткөрүлүп, 82 улгайган адам катышып, андан кийин 36 улгайган адам эмдөөдөн өткөн.

Бул иштерди жүргүзүү үчүн 58 медициналык кызматкер иш алып барууда жана алардын ичинен 44 кызматкер COVID-19га каршы эмдөөдөн өткөн.

Эмдөө коопсуз, натыйжалуу жана дарыгердин текшерүүсүнөн кийин гана жүргүзүлөт. Эмдөөдөн кийинки күтүлүүчү реакциялар болушу мүмкүн - ыңгайсыздык жана инъекциялык жердин оорушу, температуранын убактылуу жогорулашы. Бирок оорунун алдын алуу үчүн эмдөөнүн пайдасы мүмкүн болгон терс таасирлерден алда канча көп.

Эмдөө акысыз жана жашаган жери боюнча ҮМБ/ҮДТ/ФАПта болот.

Эмдөөдөн дароо өтүп, ден-соолукта болуңуз!

Также рекомендуем

Вакцинага байланыштуу техникалар ар дайым көзөмөлдө жана аяр мамиле менен колдонууда.

25.10.2024

24-октябрда Полиомиелит менен күрөшүүнүн дүйнөлүк күнү белгиленүүдө

24.10.2024