Мектеп жана эмдөө – экөөнүн ортосунда кандай өз ара байланыш бар?

Мектептин босогосун биринчи жолу аттаганда балдар психологиялык жана физикалык жүктү гана сезишпейт. Алар кадыресе үй шартынан таптакыр бейтааныш чөйрөгө, анын ичинде микробиологиялык чөйрөгө да туш болушат.

Мунун баары жаңы жагдайга көнө элек баланын ден соолугуна да таасирин тийгизиши мүмкүн.

Жугуштуу оорулардын жайылышынын биринчи себеби – көп сандагы балдар менен тыгыз байланыш. Кадимки тумоодон тышкары, тез жугуштуу инфекциялар өзгөчө кооптуу болот, алардын арасында кызамык, кызылча жана паротит бар.

Иммунитеттин калыптануусунда 6-7 жаш курак маанилүү мезгил болуп саналат. Бул этапта бала жугуштуу оорулардын алдында аярлуу абалда болот. Камкор ата-энелер, албетте, өз убагында эмдөөлөрдүн жардамы менен балдарын оорулардан коргоп калышат.

Профилактикалык эмдөөлөрдүн календарына ылайык бардык эмдөөлөрдөн өз убагында өтүш керек. Эмдөөлөрдүн календары жөнүндө биз көп эле жолу сөз кылганбыз, маалыматты профилден таба аласыз. Эмдөөдөн баш тартуу баланын ден соолугун коркунучка кептейт.

Рюкзакты китепке толтуруп, кооз, жаңы мектеп формасын сатып берип, окуп, жазганды үйрөтүп коюу жетишсиз. Эң негизгиси – баланын организмин көп сандагы балдар менен байланышка, коркунучтуу инфекцияларга туруштук бере ала тургандай даярдаш керек.

Эмдөөлөрдү окуу башталганга чейин алыш керек. Вакциналар акысыз, аларды ҮМБда/ҮДТда/ФАПтарда алууга болот.

Также рекомендуем

Аймактарда кызамыкка жана кызылчага каршы тазалоочу эмдөө жигердүү өтүп жатат

01.11.2024

Вакцинага байланыштуу техникалар ар дайым көзөмөлдө жана аяр мамиле менен колдонууда.

25.10.2024