Республикалык иммунопрофилактика борборунун  жана Бишкек шаардык МСЭКБ кызматкерлери калк арасында түшүндүрүү иштерин жүргүзүштү.

Катышуучулар вакцина менен башкарылуучу инфекциялар жөнүндө көбүрөөк маалымат алышты. РИБдин кызматкерлери кызамык эмне үчүн коркунучтуу экенин, анын кесепеттери кандай болоорун, эмне үчүн балдарды селеймеге жана көк жөтөлгө каршы эмдеш керектигин, кургак учук жана полиомиелит эмнеси менен коркунучтуу болгонун жана эмдөө бул оорулардан кантип коргойт турганын айтып беришти. Сессия маалында полиомиелиттин алдын алууга өзгөчө көңүл бурулду.⠀

Жаңы конуштун тургундары да өз ойлору менен бөлүштү. Көптөр жердештерин сөзсүз түрдө эмдөөдөн өтүүгө үндөштү. Катышуучулар өз суроолорун узатып, ынанымдуу жоопторду алышты.

Уюштуруучулар бөбөктөргө боеочу китептер, карандаштар жана ымыркайлар суу ичиши үчүн бөтөлкөлөр өңдүү жагымдуу белектерди беришти.

Маалымат үчүн: Европалык эмдөө жумалыгы (ЕЭЖ) Кыргызстанда 2024-жылдын 22-апрелинен 28-апрелине чейин өтүп жатат. Бул жылы жумалык ДСУнун Эмдөө боюнча кеңейтилген программасынын 50 жылдыгына жана Кыргызстандагы улуттук иммунизациялоо программасынын 30 жылдыгына арналды.

Также рекомендуем

Аймактарда кызамыкка жана кызылчага каршы тазалоочу эмдөө жигердүү өтүп жатат

01.11.2024

Вакцинага байланыштуу техникалар ар дайым көзөмөлдө жана аяр мамиле менен колдонууда.

25.10.2024