Бүгүн Ош шаарында кызамыкка жана кызылчага каршы кошумча эмдөө өнөктүгү башталганына карата басма сөз жыйыны өттү. Жыйынга КР Саламаттык сактоо министрлигине караштуу Республикалык иммунопрофилактика борборунун директору Гульбара Ишенапысова, Ош облусунун саламаттык сактоо боюнча координатору Талантбек Арстанкулов, Оштогу саламаттыкты сактоо координатору Эрмек Нурумбетов, ФКДСОО жана МСЭК БМОПБ башкы дарыгери Мамирасул Өмүрзаков, ЮНИСЕФтин КРдагы Өкүлчүлүгүнүн саламаттык сактоо боюнча бөлүмүнүн жетекчиси Суренчимек Ванчинкху катышты.

⠀

“Бүгүнкү күндө өлкө боюнча кызамык менен ооругандардын саны 2018ге жетти, алардын басымдуу бөлүгү – балдар. Кызамыкка жана кызылчага каршы кошумча эмдөө өнөктүгү вирустун жайылышын алдын алмакчы. Балдарыңыздын ден соолугун сактоо үчүн аларды эмдеңиз!”,- деди Гульбара Ишенапысова.

⠀

“ЮНИСЕФ ДСУ менен биргеликте балдарды кызамыкка жана кызылчага каршы жапырт эмдөө ишинде Кыргызстандын өкмөтүн колдоп жатканына кубанычта. Биз бардык өнөктөштөрдү, өзгөчө Саламаттык сактоо министрлигин өлкөдө мындан ары вирустун күч албашы үчүн пландуу эмдөөнү күчөтүүгө чакырабыз”, — деди Суренчимек Ванчинкху.

⠀

Басма сөз жыйынынан кийин журналисттерге Ош шаарындагы №10 ҮДБга пресс-тур өткөрүлүп, алар эмдөөгө тиешелүү суроолоруна жооп алышып, эмдөө кабинетинде болушту.

Также рекомендуем

Вакцинага байланыштуу техникалар ар дайым көзөмөлдө жана аяр мамиле менен колдонууда.

25.10.2024

24-октябрда Полиомиелит менен күрөшүүнүн дүйнөлүк күнү белгиленүүдө

24.10.2024