Кыргызстанда жыл башынан бери кызамыктын 5 162 учуру катталды. Эске салсак, 24-ноябрга карата бул ооруну 4 484 адам жуктуруп алганы аныкталган.

27-ноябрдан 3-декабрга чейин кызамык оорусу Ош шаарында, Ош, Нарын жана Ысык-Көл облустарында катталган жок. Буга чейин Бишкек, Ош шаарларында жана Ош облустарында вирус кеңири жайылып жаткан эле. Ушул тапта оорунун экинчи толкуну башталып, вирус Бишкекте, Жалал-Абад жана Чүй облустарында жигердүү тарап жатканы байкалууда.

Аталган аймактарда балдарын эмдегендер аз болгондуктан оору күч алды. “Бир жашында жана алты жашында пландуу эмдөөлөрдү өткөрүп жиберген, вирустун алдында аярлуу абалда турган балдар көбөйдү. Мындан тышкары, вакцина менен камтылгандардын төмөн көрсөткүчү эмдөөдөн баш тарткандардын санынын көбөйүшүнө, тышкы жана ички миграциянын күч алышына байланыштуу болуп жатат”, — деп белгилешти адистер.

Өлкөдө кызамыкка жана кызылчага каршы кошумча эмдөө уланууда. Баланы эмдөө менен, сиз аны олуттуу жана күтүүсүз кесепеттерден коргоп, жалпы аймак үчүн кызамык оорусунун күч алуу тобокелдигин азайткан болосуз.  Баласын коргоо – ар бир ата-эненин тикелей милдети!

Также рекомендуем

Аймактарда кызамыкка жана кызылчага каршы тазалоочу эмдөө жигердүү өтүп жатат

01.11.2024

Вакцинага байланыштуу техникалар ар дайым көзөмөлдө жана аяр мамиле менен колдонууда.

25.10.2024