Бүгүн биз балдары кызамыкка жана кызылчага каршы эмделген ата-энелерге кээ бир эрежелерди эске салгыбыз келип турат.

Эмдөө зарыл, себеби бул жөнөкөй жол-жобонун жардамы менен бала кооптуу оорудан корголот. Эмдөөдөн кийин баланын рационуна ошол замат жаңы тамактарды киргизүүгө жана аллергияны чакыруучу тамактарды даярдоого болбойт.

Дени сак балдарга эмдөөдөн кийин кандайдыр бир дарыларды (антигистаминдерди, дене табын түшүрүүчү дарыларды) берүүнүн кажети жок. Вакцина сайылган күнү баланы сууга түшүрбөш керек, андан кийинки күнү ийне сайылган жерине жышпай эле жуундурууга болот.

Вакцинада кызамыктын тирүү, бирок чабал вирусу бар. Аны организмге киргизүү оорунун өнүгүшүнө түрткү бербестен, оорудан коргой турган антителолордун пайда болушуна алып келет.

Эмдөөдөн кийинки терс белгилер өтө сейрек болот. Адатта дене табы көтөрүлөт, бала өзүн алсыз сезет, бир аз исиркектер чыгышы мүмкүн. Ал эми эмдөөдөн баш тарткандан кийинки оорунун кесепеттери алда канча олуттуу болот.

⠀

Балдарыбызды чогуу коргоп калалы!

Также рекомендуем

Бүгүн борбор калаанын Дордой жана Калыс-Ордо жаңы конуштарында Европалык эмдөө жумалыгынын алкагында маалыматтык сессиялар өттү.

26.04.2024

Өлкөнүн аймактарында көчмө бригадалар жигердүү иш алып барууда.

23.04.2024