ДСУнун ЕАБ миссиясы 12-марттан 14-мартка чейин Кыргыз Республикасында болуп, эмдөө программасын санариптештирүүнүн жол картасы боюнча консультацияларды берип кетти.

Миссиянын курамына ДСУнун Европа Регионалдык Бюросунун аналитика мониторинг маселелери боюнча консультанты, доктор Роберт Пасторе, ошондой эле ДСУнун ЕАБнын консультанты Дорианн Делия кирди.

Миссиянын жүрүшүндө делегация бир нече медициналык мекемелерде болуп, саламаттыкты сактоо чөйрөсүндө санариптик чечимдерди колдонуу практикасы менен таанышып чыкты. Атап айтканда, эксперттер “I Emdoo” эмдөө боюнча маалыматтык системасы менен тааныша алышты.

Иш сапардын жүрүшүндө миссиянын мүчөлөрү стационардын жана баштапкы медициналык-санитардык жардамды уюштуруунун күнүмдүк ишинде санариптик аспаптарды жигердүү колдонгон медицина кызматкерлери менен жолугушту. Алар вакциналарды системада каттоо боюнча “I Emdoo” маалыматтык системасынын иш жүзүндө колдонулуп жатканы менен тааныша алышты.

Миссиянын соңунда Саламаттык сактоо министрлиги, саламаттык сактоо уюмдары жана өнүктүрүү боюнча өнөктөштөр менен Кыргыз Республикасынын эмдөө программасын санариптештирүүнүн жол картасын ишке ашыруудагы жылышка биргелешкен сереп жасалды.

Также рекомендуем

Бүгүн борбор калаанын Дордой жана Калыс-Ордо жаңы конуштарында Европалык эмдөө жумалыгынын алкагында маалыматтык сессиялар өттү.

26.04.2024

Өлкөнүн аймактарында көчмө бригадалар жигердүү иш алып барууда.

23.04.2024