Кыргызстанда кызамыкка, эпидемиялык паротитке жана кызылчага каршы айкалыштырылган вакциналар 23 жылдан бери колдонулуп келатат. Бул мезгил ичинде вакцинанын олуттуу терс таасири байкалган бир да учур катталган эмес.

ДСУнун маалыматына ылайык, 100 миллиондон ашык бала катышкан 50дөн ашык изилдөө жүргүзүлгөн. Эксперттер бул изилдөөлөрдө кызамыкка каршы вакциналардын коопсуздугун жана натыйжалуулугун баалашкан.

Мындан бир тыянак чыгарууга болот: кызамыкка каршы азыркы вакциналар натыйжалуу жана коопсуз.

2000-2021-жылдар аралыгында кызамыкка каршы эмдөө 56 миллион адамдын өмүрүн сактап калды.

Коопсуз жана экономикалык жактан натыйжалуу вакцина бар болгонуна карабастан, 2021-жылы дүйнө жүзү боюнча кызамыктан көз жумгандардын саны болжол менен 128 миңге жетти, алардын көбү – вакцина албаган же 5 жашка чыга элек балдар.

Эмдөө өмүрдү жана ден соолукту сактап калат. Эмдөөдөн баш тартуу бүтүндөй коомго коркунуч жаратууда.

Также рекомендуем

Бүгүн борбор калаанын Дордой жана Калыс-Ордо жаңы конуштарында Европалык эмдөө жумалыгынын алкагында маалыматтык сессиялар өттү.

26.04.2024

Өлкөнүн аймактарында көчмө бригадалар жигердүү иш алып барууда.

23.04.2024