Кызамыктын күч алышына жооп иретинде Жалал-Абад облусунда эмдөө өнөктүгүнүн экинчи этабы башталды.

👁 60

Опубликовано: 14 марта 2024

Бүгүн, 14-мартта Жалал-Абад облусунун аймагында кызамыктын кулач жайышына чара көрүү максатында кошумча эмдөө өнөктүгүнүн экинчи этабы башталды.

⠀

Эмдөө маалында кызамыкка-кызылчага каршы вакцина сайылат. Ушул айда өлкөгө 264 500 доза вакцина келди. Кыргыз Республикасынын Министрлер Кабинетинин төрагасынын орун басарынын Протоколдук тапшырмасын аткаруу үчүн вакцинага каражат республикалык бюджеттен бөлүндү.

⠀

Кыргыз Республикасынын Саламаттык сактоо министрлиги кызамыкка каршы күрөшүү боюнча профилактикалык жана эпидемияга каршы иш-чараларды күчөтүүдө.

⠀

Өнөктүктүн жүрүшүндө вакцинаны максаттуу топко кирген балдардын 95 пайыздан кем эмеси алууга тийиш. Пландуу жана кайра эмдөөнүн жүрүшүндө кызамыкка каршы вакцинанын 2 дозасын тең алган балдарды кошпогондо, эмдөөдөн 9 айдан 7 жашка чейинки курактагы бардык балдар өтөт.

⠀

Эмдөөнү ҮМБдан/ҮДТдан/ФАПтан жана билим берүү мекемелериндеги убактылуу эмдөө пункттарынан акысыз алууга болот.

⠀

Бардык башка облустарда кызамыкка-паротитке-кызылчага (КПК) каршы вакцина менен пландуу эмдөөнүн алкагында кызамыкка жана кызылчага каршы эмдөө иштери күчөтүлдү. Кызылчага-кызамыкка каршы вакцинанын кошумча дозалары келгенине жараша өлкөнүн калган аймактарында да кошумча эмдөө башталат.

⠀

Маалымат үчүн: Кызамык – коркунучтуу жана өтө жугуштуу вирустук оору. Балдарды кызамыктан коргоп калуунун жалгыз жолу – эмдөө!

⠀

Эске сала кетсек, кызамык вирусунун жайылышын басаңдатып, анын андан ары күч алышына жол бербөө максатында Кыргыз Республикасынын Саламаттык сактоо министрлиги 2023-жылдын сентябрында эмдөө өнөктүгүн жүргүзгөн. Бул өнөктүктүн алкагында Бишкек, Ош шаарларында, Чүй жана Ош облустарында 9 айдан 7 жашка чейинки курактагы балдар кызамыкка жана кызамыкка каршы кошумча эмдөөдөн өтүшкөн. Өнөктүктүн биринчи этабында 479 386 бала вакцина алган (бул максаттуу топтун 79 пайызын түзөт).