Республикалык иммунопрофилактика борборунун адистери кызамыкка жана кызылчага каршы кошумча эмдөө өнөктүгүнө даярдык көрүүнүн алкагында медициналык кызматкерлер үчүн 2023-жылдын 11-сентябрынан 15-сентябрына чейин бир апта бою окууларды өткөрүп чыгышты.

Калктын эмдөөгө байланышкан маалымдуулугун кеңейтүү үчүн медициналык кызматкерлердин потенциалын жогорулатуу окуунун негизги максаты болуп саналат.

Кызамык жана кызылча жөнүндө маалыматтар, өлкөдөгү эпидемиологиялык кырдаал жөнүндө дайындар, кызамыкка жана кызылчага каршы вакцинаны колдонуу боюнча нускамалар, эмдөөгө медициналык каршы көрсөтмөлөр жана сактык чаралары жөнүндө суроолор тренингдердин программасына киргизилген. Ошондой эле тренингдердин катышуучулары кызыкдар тараптар менен маалымат жагынан иштешкенди жана коммуникацияны ишке ашырганды үйрөнүштү.

Окуу медициналык кызматкерлерге калк менен, өзгөчө эмдөөдөн өтүшү керек болгон балдардын ата-энелери менен туура байланышты түзүүгө жардам берет.

Тренингдер Кыргыз Республикасынын Саламаттык сактоо министрлигинин 2023-жылдын 7-сентябрындагы №1093 “Кошумча эмдөө өнөктүгүн жүргүзүү жөнүндө” буйругуна ылайык өткөрүлүүдө. Тренингдерди өткөрүүгө Дүйнөлүк саламаттык сактоо уюму колдоо көрсөтүп жатат.

Также рекомендуем

Бүгүн борбор калаанын Дордой жана Калыс-Ордо жаңы конуштарында Европалык эмдөө жумалыгынын алкагында маалыматтык сессиялар өттү.

26.04.2024

Өлкөнүн аймактарында көчмө бригадалар жигердүү иш алып барууда.

23.04.2024