Профилактикалык эмдөөлөрдүн камтылышын жогорулатуу максатында Бишкек шаарында мобилдик клиникалар уюштурулду.

Вакцина менен алдын ала турган жугуштуу ооруларды азайтуу жана кепилденген сапаттагы вакциналардын жеткиликтүүлүгүн жогорулатуу максатында 2023-жылдын 11-апрелинен тартып борбор калаада эмдөөлөрдү ала турган мобилдик клиникалар иштейт. Жаңы конуштарда жашаган жана медициналык уюмдарда каттоодо турбаган ички мигранттарды эмдөө үчүн клиникалар уюштурулган.

№10 ҮМБнун аймагында мобилдик клиника өз ишин баштады. Анда Дордой, Ак Жар, Келечек конуштарынын тургундары кабыл алынат. Тиешелүү эмдөө пункттары шаардын башка конуштарында да пайда болот.

Ошондой эле, кампаниянын алкагында тургундар акысыз УЗИден өтүп, невропатолог, хирург, окулист, отолоринголог жана үй-бүлөлүк дарыгерлерден консультация ала алышат.

Также рекомендуем

Бүгүн борбор калаанын Дордой жана Калыс-Ордо жаңы конуштарында Европалык эмдөө жумалыгынын алкагында маалыматтык сессиялар өттү.

26.04.2024

Өлкөнүн аймактарында көчмө бригадалар жигердүү иш алып барууда.

23.04.2024